كتب : صفاء مصطفى... العرب نيوز اللندنية
شغل العالم نفسه كتير
حروب ودمار بلا تفكير
نسيوا إن الله له اية
من غير شو ولا تصوير
……………
قالوا ربيعنا عربي وهل
وف دنيتنا شغل الكل
شمسه هتطرح يوم شمساية
علي أزهاره مين ح يمل
…………..
فرح الورد بس دموعه
سبقت ضحكه تهد ضلوعه
فتح عينه وسط حكاية
خرحت برة حدود موضوعه
…………..
البستاني مغلوب علي أمره
ملهي تمللي ف كاسه وخمره
يبدأ قصة جوة رواية
فيها نهاية يومه وعمره
……….
الإباحية ستار مكشوف
للي يجرب واللي يشوف
تجارة لعنة دنيا وغاية
فين الدين نسيوا الخوف
……………
استغلال وسرقة كمان
رشوة تسطر ع الأبدان
علامة وتعلا علينا الراية
تنهب منا زمان ومكان
………….
الشائعات مصبوبة ف كاس
صارت لعبة لناس علي ناس
تمحي حقيقة وتعلا وشاية
بضمير ني ملوهشي أساس
………..
لما كورونا زار أراضينا
من أعمالنا واللي علينا
يكتب لينا بأيدنا نهاية
مين ح يفوق ويطهر فينا
……….
أمتي يا رب نعود لله
ونلقي حياتنا تبقي حياه
نرسم بكرة أحلي بداية
وكل الشعب يقول الله
الله الله …… الله الله
……..
نظم الأديب خالد الجمال