اكلات صيامي ورق عنب بالكوارع
كتبت ست بيت
مع إقتراب الشهر الكريم نلتقي معا في اكلات صيامي كل مساء من خلال مطبخ العرب نيوز اللندنية.
النهاردة محتاجين حاجة تروم العظام يبقي علينا وعلى طاجن ورق العنب بالكوارع حاجة كدا من الاخر والطعم اخر لذاذة …طاجن ورق عنب بالكوارع من العيار التقيل
طاجن_ورق_عنب_بالكوارع
المقادير
| ورق عنب | ارز | بصل مبشور | طماطم مبشورة | صلصة |
| توم مفروم | خضرة مشكلة | ملح | فلفل | كمون |
| كزبرة | شطة | نعناع ناشف | عصير ليمون | زيت – شوربة كوارع. |
طريقة التنفيذ
- صنفري الكوارع بالدقيق كويس وبعدين اغسليها
- حطيها في ماء بملح وخل وعصير ليمون وبعدين اشطفيها بردو
- اغليها فى مياه بتغلي مره وبعدين طلعيها اشطفيها تاني وحطيها بقى في مياه بتغلي تاني بس متحبشه ودي تبقى شوربة الكوارع.
- اعملي الخلطة كالمعتاد واحشي بيها ورق العنب
- حطي ارضيه في الطاجن من الجزر والبصل والليمون و عليه محشي ورق العنب وفي النص الكوارع المسلوقة
- انزلي بشوربة الكوارع مع عصير الليمون
- علي النار اعملي دقة من التوم والكزبرة مع شوية طماطم مبشورة وانزلي بيها علي الطاجن ودخليه الفرن ياخد سواه
لارضية الطاجن
بطاطس – بصل – ليمون
دقة الطاجن
ثوم مفروم -خل – كزبرة -م ك سمنة – طماطم مبشورة
شوربة_الكوارع
كوارع- شوربة الكوارع -م ك من صلصة الطاجن -توم مفروم -خل -سمنة
في معلقة سمنة شوحي التوم وانزلي بالخل مع صلصة الطاجن وحطيها علي شوربة الكوارع وكلي احلى شوربة كوارع.
استنيني بكره
عدد المشاهدات: 39