مقاومة المضادات الحيوية خطر حقيقي يهدد العالم

مقاومة المضادات الحيوية خطر حقيقي يهدد العالم

سهيله عسكر ـالعرب نيوز اللندنيه

مقاومة المضادات الحيوية واحدة من أخطر التحديات الصحية اللي بنواجهها اليوم

. وهذا كلام حقيقى ، واقع بيحصل حوالينا بسبب سوء استخدام المضادات الحيوية وسوء استخدامها في العلاج.

أسباب مقاومة المضادات الحيوية:

استخدام مضادات حيوية لدواعي غير مناسبة:
كتير من الناس بتناولوا مضاد حيوي لعلاج دور برد أو إنفلونزا، ودي أمراض فيروسية لايؤثر  عليها المضاد الحيوي

عدم استكمال الجرعة الموصوفة:

لما تتحسن حالتك بعد 3 أو 4 أيام، وتقرر توقف العلاج قبل ما تخلص الجرعة بالكامل، بتدي فرصة للبكتيريا اللي لسه عايشة إنها تقاوم العلاج وتتحول لشكل أخطر وأقوى.

استخدام مضادات حيوية قوية كخيار أول:
للأسف بعض الأطباء بيبدأوا بأدوية قوية جدًا زي Linezolid كـ”خط أول” عشان يشوفوا نتيجة سريعة، وده بيزود فرصة مقاومة البكتيريا للأدوية دي.

صرف المضادات الحيوية بدون وصفة طبية:

بعض الصيدليات بتصرف المضادات الحيوية بدون مراجعة طبية، وده بيزود من سوء الاستخدام وبيعمّق المشكلة.

البرد مش محتاج مضاد حيوي!

دور البرد هو عدوى فيروسية، وبيتعامل الجسم معاه طبيعي لما تاخد:

مشروبات دافية

أكل صحي

نوم كافي

وتجنب البرد.

ليه لازم نوقف العشوائية؟

لو فضلت البكتيريا تطور مقاومة للمضادات الحيوية، مش هنلاقي علاج للأمراض العادية اللي كانت بسيطة زمان.

المريض اللي عنده عدوى بكتيرية مقاومة هيعيش بدون علاج فعّال، وده ممكن يؤدي للموت في حالات معينة.

المطلوب مننا:

متاخدش مضاد حيوي من نفسك.

لو الدكتور كتبلك مضاد حيوي، كمل الجرعة لآخرها.

اسأل الصيدلي أو الدكتور عن بدائل علاجية للأعراض الخفيفة.

خد بالك
“استخدام المضاد الحيوي مش مجرد قرار بسيط… ده مسؤولية لإنقاذ حياتنا وحياة الأجيال الجاية.”